Zientzia berriak berrietan

Zientzilariek eta kazetariek erronka handia daukate berriekin:

• lehenengoek ikerketen eta zientzi-lanetako ondorioak ezagutzera emateko
  
• eta bigarrenek egunkarietan eta komunikabideetan ondo idazteko, ondo egituratzeko, eta irakurleek edo ikusentzuleek ulertzeko moduan egokitzeko.

Guzti horretaz hitz egin zuen Jesus Ugaldek Leioako Gizarte eta Komunikazio zientzien fakultatean.

Zientzia ezagutzeko grina

Jesus Ugalde Leioako EHUren campusean egon da Zientzia eta Kazetaritzaren erronka berriak aztertzeko. Txema Ramirez de la Piscinarekin egon baino lehen, galdera hau egin genion:

Ba al dago zientzia ezagutzeko, irakurtzeko, ikus-entzuteko grinarik?

Hona hemen bere erantzuna!

Zientzia komunikatzea beharrezkoa da

Euskal Herriko Unibertsitateko Leioako campusean, Urriaren 18an, Jesus Ugalde elkarrizketatu dugu.
Kazetaritzako Txema Ramirez de la Piscinak antolatuta, Zientziaren dibulgazioari buruz hitzegiteko gonbidatu du Fisika Kimikako irakasle hau.

Zientziaren dibulgazioa Bilbon

Bilboko Arriaga plazan, karpa handi batek babestuko ditu Zientziaren Dibulgaziorako zazpigarren astearen ekintzak.
Bigarren Hezkuntzako ikasleek eskura izango dituzte hamalau stand, esperimentu eta material ezberdinak bere eskuekin ukitzeko.
Wikipedian ekarpenak egiteko lehiaketa bat ere izango da; eta IKTak aurtengo gai nagusia direnez, blog bat eta wikia ere,ikusleen eta bisitarien ekarpenak & iritziak jartzeko!
Berri honi buruz esaten/egiten den guztia jarraitu nahi baduzu, ikus Technoratin tag hau!

Zientziaren dibulgazioa EHUn

Euskal Herriko Unibertsitateko Komunikazio eta gizarte zientzien fakultatean, kazetaritzaren erronka berriei aurre egin nahi diete. Txema Ramirez de la Piszina irakaslearen zuzendaritzapean, 3 hitzaldi antolatu dituzte.

ZIENTZIAREN DIBULGAZIOA
Hasteko eta bat, lehenengo hitzaldia Urriaren 18an izango da "Zientziaren Dibulgazioa" lantzeko.
Kimika Fisikako irakaslea den Jesus Mari Ugalde, EHUko katedraduna, izango da hizlaria. Kimika teorikoaren taldeko partaide hau Polimeroetan aritua eta aditua da.
Hitzaldia beraz, gai interesgarria ikutzeaz gain, punta-puntako irakasle batekin kontatzen du: hau da ez galtzeko modukoa.

Zientzia eta Teknologiaren astea

Bilbon ospatuko da Zientzia eta teknologiaren astea, datorren azaroaren 7tik 11ra. Mundu osoan bezala, Elkarte Autonomoko hiru hiriburuetan ekintza ezberdinak izango dira, zientziaren zabalkundea bultzatzeko eta ezagutza amankomunean konpartitzeko. Aurten, Informazio eta Komunikazio Teknologiak izango dira gai nagusia (IKT delakoak).
Besteak beste, Wikipediaren inguruko lehiaketa bat izango da.
IHAZKO EDIZIOA
Hona hemen ihazko Zientziaren asteko bideoa.

Azalpen txiki bat gaztelaniaz,Eduvlog-en daukazu ere!
Eta Youtuben bideoaren bertsio arin bat ere ikusi daiteke